Van Gogh SENSES (已結業)

今日朋友升職， 揀間好既餐廳食返餐慶祝下。雖然唔係藝術出身， 但係凡高點都聽過下， 佢啲畫點都有幾幅係識既。入左門口， 就會經過條走廊， 成條都有好多吾同既碟。Set dinner menu , 有兩款main 揀。我地兩個人， 兩款都揀曬， 可以兩款都食到。隻水杯都係畫有啲玻璃窗都係畫， 有好出名既向日葵。Appetiser Tuna scallop ceviche帶子好鮮，配搭得好好， 好開胃。 擺碟都好靚。個湯係sweet corn sweet soup 配蟹鉗好滑， 粟米味好甜。其中一個main Pan seared french brill with grilled octopus 呢個口味好清新， 個八爪魚好淋， 好入味， 個魚都好滑，幾好。另一個main 係 quail 鵪鶉好少食到， 西餐都唔常見， 食法國餐就比較多， 細細舊， 但係好滑， 啲肉好嫩，味道比雞肉濃。 通常見到我都會點。個甜品幾好味， 啲泡泡係有椰子味， 個黃色皮有波羅味， 有啲分子感覺。最後個tea 再用向日葵杯， 好elegant。