CURATOR Art & Café (已結業)

今晚黎到K11 Musea覓食，見到呢間裝修好特別，於是入去食。我地叫左羽衣甘藍萵苣凱撒沙律、酥脆雞錘配水牛芝士醬、波隆那肉醬通心粉，當然唔少得藝術打印飲品啦，我地揀左凍朱古力。羽衣甘藍萵苣凱撒沙律好大盤，沙律菜新鮮，仲有煙肉碎、芝士片同麵包粒，夾埋好食。酥脆雞錘配水牛芝士醬有三件雞錘，炸到好香脆，調味粉好惹味，雞肉又嫩滑，一定要叫。波隆那肉醬通心粉係長通粉黎，加上肉醬同芝士，好似食緊千層麵甘，不過份量都幾細。藝術打印凍朱古力好靚好特別，完全唔捨得飲。朱古力好飲，甜度岩岩好。