Van Gogh SENSES (已結業)

今次係第二次嚟呢度食嘢，我最欣賞裝修設計同埋環境都好有藝術色彩，有餐枱、水杯及杯碟都不同設計，餐具亦十分高級，侍應會在上菜時介紹每一道菜的特色及煮法，令你對菜式有更深刻印象。午市四道菜定價為$268，以這個水平唔算貴。野生蘑菇撻配洋蔥、火箭菜及牛肝菌忌廉，碟旁邊黑色一點點係一個830嘅忌廉，蘑菇同牛肝菌加埋好香菇味。法式雞肉清雞湯配朱利亞西班牙火腿，因為有火腿所以湯底偏鹹，但可以接受。主菜意大利扁意粉配小龍蝦肉、蝦乾及辣椒醬，味道似XO醬，幾香口，蝦肉鮮甜。烤美國豬柳配焦糖蘋果及威士忌熱情果醬，醬內一粒粒是熱情果子，豬柳好淋又唔會肥，加上威士忌熱情果醬一齊食，微酸下零舍開胃。飯後甜品為芒果蛋糕🍰，有水準。餐飲已包括所有特色茶及美式咖啡，所以我哋都揀特色茶。仲夏向日葵，聞落去有一浸辣味，但飲落去完全唔會辣，加埋蜜糖一齊飲，好fresh 及陽光感覺。熱情的烏龍茶十分清甜，所以上茶時無跟蜜糖或白砂糖，甘味依然足夠。