Van Gogh SENSES (已結業)

係尖沙咀1881開左Van Gogh Sense 店，以梵高為主題，整間餐廳充滿藝術氣息。今日約左一位外國回來的朋友食午餐，由進店開始被裝修、擺設、精品甚至茶葉所吸引住，又靚又優雅仲有由前菜，主菜，甜品及餐飲都好精緻美麗。午餐套餐有3個courses：starter, main course, dessert!係Starter未黎之前，侍應先上麵包及牛油。Starter椰菜花忌廉湯配魚子醬湯好滑好香好creamy，仲加左魚子醬。烤雞華都夫沙律, 芹菜, 葡萄乾及蘋果，沙律上還有芒果汁點綴，感覺新鮮。Main Course燒鱈魚千層酥配奶油菠菜及忌廉松露這個好好味好多層次，千層酥好香脆，內裡非常熱，而包住既鱈魚肉質煙韌，魚味突出。烤排骨馬鈴薯角及燒烤醬排骨烤得剛剛好，肉汁juicy，小辣，燒烤醬調得好好，酸酸甜甜，中和都辣，好野味！Dessert朱古力雪糕一見到，勁🥰靚，配上脆卜卜既爆谷，唔錯，如果用黑朱古力會仲正。熱情的烏龍茶 Passionfruit Oolong即係烏龍茶、萬壽菊、熱情果。有淡淡的水果味，烏龍茶又唔太濃，我好喜愛。用了我最愛的紫色花茶壺花茶柸。