粒粒果甜品 (已結業)

臨時約左朋友傾野，係旺角搵左一間甜品舖。呢到真係最岩打卡，因為唔係peak hour，人少少，唔太嘈。睇meun時，比佢地嘅smoothies系列吸引，好似藝術品。最後揀左紫色夢幻。。。係藍莓smoothies，有士多啤梨裝飾。杯面嘅拉花，好似圖畫，真係唔捨得撈均佢。可能因為要拉花，所以製作需時。見過有好多 smoothies都係冰，但呢個smoothies唔係冰做，所以唔會凍冰冰，年紀大喇，不宜飲咁多凍野。有好重藍莓味，好creamy，但又無奶昔咁「結」，最底有奇亞籽，每啖都飲到藍莓肉，飲野之餘又有野咬。至於士多啤梨裝飾，原來只係一片片 ，如果係一粒粒，相信會飲得更開心。