SEDAP惹味馬拉 (已結業)

今晚去開屯門, 朋友介紹呢間馬拉餐廳俾我,就試一試.間舖裝修都唔差, 有少少馬來西亞風味, D碗碟都幾特別. 馬來沙嗲牛串燒, 味道ok喇印度飛餅配吉隆坡咖喱雞腿, 咖喱有D辣, 味道還可以, 不過件印度飛餅好硬, 以為係好似鬆餅, 點知原來唔係, 好似食緊粉餅咁.鮮蝦炒粿條, 好食, 粿條質感雖然似河粉, 不過比起河粉好食馬來西亞肉骨茶 (皇帝骨), 我本身鍾意食肉骨茶, 不過呢間既肉骨茶偏向淡藥材味, 馬來西亞既肉骨茶應該係藥材味偏重的, 所以有D失望, 不過佢可以無限添飲湯底, 呢點又唔錯喎!