麵館皇

營業中

休息中

今晚去cwb行街街，去左登龍街食野，天氣涼左，想食熱面，經過呢間，店員非常nice咁介紹食物，又見入面坐滿晒人，所以就入去試試！入到去，好香好補嘅藥材雞湯味，已經好吸引，食慾大增，我地兩個都選了藥材湯面，我選了雞湯米線，朋友就選了口水雞刀削麵！另嗌了小菜海帶！先上碟嘅係海帶，好大碟丫！有切得幼嘅又有少少粗切嘅，下面仲有少少醋？酸酸地好開胃丫！我期待嘅米線到啦，好大碗又用個石煲咁上，好熱，上緊個時仲係滾嫁，厲害丫！個湯底最正，我飲晒，好香雞湯加藥材味，好有媽媽住家湯味道，五十多元可以有湯飲有米線食所以都真係幾著數丫！另外雞好滑，食得出係新鮮雞嚟，一丁點雪味都冇，同肉質同味道都好新鮮！整體非常好！大大碗，食晒勁飽，好食過其他米線舖頭！下次經過一定再食！！