101台灣養生湯麵 (已結業)

我好似未去過西環😂究竟有咩好嘢食呢？今日嚟到101台灣養生湯麵🤤最期望最想食佢嘅藥膳湯底米線，叫左藥膳香辣蕃茄雞米線，另一碗叫咗蟲草花雞米線藥膳香辣蕃茄雞米線～辣個碗當然係我食，叫左小辣都唔少辣喎😆肥仔食唔到，蕃茄嘅味好濃遮左藥膳味，但冇問題我都係蕃茄控😋 飲一啖湯底極之醒胃～都鍾意有滿滿既蕃茄蓉同麵一齊食，米線掛上番茄湯，香辣又好味，仲要有芫荽❤️雞大件份量都唔少蟲草花雞米線～聽落都覺得補身，有蟲草花，木耳，紅棗，杞子，吾油吾膩，滲出淡淡藥膳味，真係補身之餘而又味覺都滿足，湯甜👍好飲，鮮味又滋補，唔知點解一飲呢啲湯就好想冬天飲，一定好暖身當然要叫返幾個小食～滷水豬大腸，滷得入味亦冇異味吾腥，但個滷水汁比較鹹，所以選擇浸落湯同麵一齊食。反而手作牛丸同白菜豬肉餃我自己幾鍾意，牛丸真有彈牙口感亦都咬落有汁，豬肉餃同香辣蕃茄湯底一齊食一流☺️