養心殿台式養生鍋 (已結業)

今次喺OpenRice訂位只要七點前離座就有五折優惠，所以book咗lunch Time時間去食，人流唔算好多，侍應都會間唔中收下碟同加下湯。湯底叫咗個美人鍋，有成隻烏雞，聽講女士好好，肉質都幾滑，湯底夠濃未，仲有啲杞子、桃膠等等，一開始當湯咁飲，之後先打邊爐。之後我點左雪花牛、豬肉九，肉質都幾新鮮，唔會話好肥，份量都夠我哋食。食完肉之後當然唔少得食瓜菜啦，冬瓜配火鍋冇諗過會咁夾到，冬瓜吸晒湯底，所以好入味。黑松露肉丸都幾特別，夠濃味又夠大粒；鮮蝦水餃好足料，口感幾彈牙。最後叫咗炸午餐肉、響鈴，都幾脆口，純粹貪口痕先會叫🤣🤣