篤篤車 (已搬遷) 新店位置

車仔麵我是經常食的, 每到糧尾食車仔麵抵食又夠飽肚, 但要不是每一間我也會長期光顧。今日去到元朗, 原因是朋友話呢到有間車仔麵湯底寧舍有特色, 二話不說就約好日期去試了。這間餐廳原來叫篤篤車。篤篤車主打泰式湯底的車仔麵, 有鱷魚湯底, 又有冬蔭公湯底, 今次和朋友一場來到, 點了一1個3餸麵套餐，再加一碗單叫3餸麵。第一次飲鱷魚湯底, 湯底係奶白色, 湯裡面有紅棗、杞子與及菇菇一小撮，飲落甜甜地，鮮甜順喉，飲落滋潤, 味道清淡帶點點藥膳的感覺, 不錯不錯。至於餸方面, 選了滷豬腸, 處理得乾淨之餘, 油脂豐盈，帶點滷水甜香。蘿蔔吸滿鱷魚湯, 更富美味。另外朋友的牛筋也副骨膠原, 很好吃。3餸麵套餐包小食和菜, 馬拉盞炒芥蘭炒得夠惹味, 是誠意之作 (比起白烚油菜更要功夫), 泰式炸雞翼事先用泰國香料醃過，炸得香脆之餘夠鹹香惹味, 真的想再多叫一碟。另外再加錢叫了薄荷青檸梳打, 新鮮薄荷不會太辣, 泰國青檸青香, 值得一試。