麻痺雞 (已結業)

其實平時真係唔會無啦啦入大埔食野，但今日難得約左朋友，比佢帶左去太和個頭食雞煲，個口唔想食太濃味，嗌左個藥饍醉雞。佢係點煲底再任食火鍋料，兩個人就食細煲，個煲湯勁清淡，好香😸見到依個都覺真材實料，有雞有杞子蟲草花，佢會幫你落入湯到，一滾就可以吃🤤🤤點左啲料，其實勁多野揀，有肉有海鮮有丸有菜，仲有小菜食，幾乎要乜有乜，任食黎講好多選擇又質量唔錯。仲有汽水任飲，選擇都唔少，我都飲左三四支。調味料自己裝，基本款都有，蒜頭葱花都好新鮮。之後顧住食唔記得影，雞好新鮮，湯頭可齋飲。嗌左蠔同響鈴質量都唔錯。埋單都係一個兩百幾，食既種類多又齊，值得一試既小店😼😼