盈記四季養生麵館

營業中

休息中

一向米線都係我嘅至愛，今晚約咗朋友喺灣仔嘅一間專門做藥膳嘅麵店，敘吓舊，又可以食啲健康養生嘅嘢。朋友叫咗個藥膳農場雞蟲草花養生湯，貌相非常之吸引，好多蟲草花，湯嘅藥味都幾濃，農場雞亦非常肥美柔嫩。而我就叫咗一個藥膳農場雞桃膠養生湯，當然都係配米線啦。本身平時都好鍾意食有桃膠嘅糖水，估唔到可以喺個米線裏邊加咁多桃膠，連食正餐都有美顏嘅作用。我最近瞓得唔係好好，所以叫咗杯熱朱古力，希望喺飲品方面都可以幫到我瞓得好啲。而小食方面我淨係叫咗一個醬香牛肋條，都幾入味，啖啖肉。朋友本身話午餐食滯咗，但係佢食完個藥膳米線，反而覺得舒服咗，唔通呢度啲米線有消滯嘅作用嘅？