喜華餐廳

營業中

休息中

放假約咗朋友去蘇屋村打波，打完之後少少肚餓，整個下午茶嘆下。近近地喺蘇屋邨商場見到有幾間茶記，冇乜人就入去試吓。啱啱中午食完飯又唔係太肚餓，所以我同朋友都叫咗個湯粉。我叫咗個雞絲湯米粉，朋友就叫咗咖喱牛腩湯金邊粉。例牌加個熱齋啡。我個米粉夠曬爽口；朋友個咖喱牛腩睇落有啲邪惡，佢話都算好味；有三舊大牛腩，牛腩夠腍又有口感。熱飲品要加$4。兩個人加埋$82。靜靜地兩條友吹下水，都算不錯的選擇。