影片
更多
2016-06-30
1461 瀏覽
蘇杭街，小店林立，茶餐廳、點心店、涼果小吃、西式cafe、日式壽司飯店都有，百花齊放、豐儉由人。二十幾至過百蚊既lunch 都搵到，養活左不少嘴饞既中上環打工仔！是日走到近上環既蘇杭街頭搵野醫肚，路過門口舊舊既裝修，卻用一塊瑩光版作為餐牌，都幾吸睛！餐牌頭二位係金太陽快餐牌永不磨滅既筆跡，分別有唔見光既秘製切雞飯，同金太陽炸雞飯，其他就日日唔同款，以一個中午飯黎講，佢個價錢係接近無得輸的，加埋野飲都唔過三草野，難得啊！我買既時候都下午茶時段，舖內人煙疏落，係櫃檯俾錢叫外賣，要金太陽炸雞飯配中湯，憑票去水吧位自己拎外賣，都幾有8，90年代既快餐feel 。返到寫字樓，打開外賣盒.....一pat 醬就係雞扒上，佢醬就話係蜜味波羅汁，但我食落就似洋蔥茄汁，咁味道又確係甜甜酸酸，拎黎拌飯真係可以接受架；到塊炸雞扒，女仔既手掌咁上下大，咁店員都會斬好一舊舊排好，算係咁，由橫切面睇，炸粉略微厚左D，同埋係炸定既關係，雞係凍既，但因為有醬汁關係，掩蓋左炸粉厚呢個缺點，至於雞肉方面炸得算唔錯，未到好乾，仲有水份，唯香氣欠奉，想要食到脆卜卜咁我諗要等好彩炸起果時喇。食完飯梗係飲湯水通通腸胃啦，當日例湯
是日走到近上環既蘇杭街頭搵野醫肚，路過門口舊舊既裝修，卻用一塊瑩光版作為餐牌，都幾吸睛！
餐牌頭二位係金太陽快餐牌永不磨滅既筆跡，分別有唔見光既秘製切雞飯，同金太陽炸雞飯，其他就日日唔同款，以一個中午飯黎講，佢個價錢係接近無得輸的，加埋野飲都唔過三草野，難得啊！我買既時候都下午茶時段，舖內人煙疏落，係櫃檯俾錢叫外賣，要金太陽炸雞飯配中湯，憑票去水吧位自己拎外賣，都幾有8，90年代既快餐feel 。
返到寫字樓，打開外賣盒.....一pat 醬就係雞扒上，
佢醬就話係蜜味波羅汁，但我食落就似洋蔥茄汁，咁味道又確係甜甜酸酸，拎黎拌飯真係可以接受架；到塊炸雞扒，女仔既手掌咁上下大，咁店員都會斬好一舊舊排好，算係咁，由橫切面睇，炸粉略微厚左D，
同埋係炸定既關係，雞係凍既，但因為有醬汁關係，掩蓋左炸粉厚呢個缺點，至於雞肉方面炸得算唔錯，未到好乾，仲有水份，唯香氣欠奉，想要食到脆卜卜咁我諗要等好彩炸起果時喇。
食完飯梗係飲湯水通通腸胃啦，當日例湯係青紅蘿蔔豬骨，個炸雞飯雖然一段貨仔，但個湯好正，足料不在話下，仲有南杏等等，味道十足，唔會偏咸，係煲出黎果種感覺，味精唔多覺，但做餐廳點都會落些少。總括呢個價錢食到個飯連湯都算係咁啦，有咩好要求！
張貼
