影片
更多
2024-03-29
448 瀏覽
早排留意到中環開咗呢一間新嘅酒吧餐館，每次都見到勁多人喺呢間出面嘅斜坡出邊等位，自己已經bookmark咗好耐，今次趁住考完試放成績終於可以同朋友鬆一口氣，過嚟呢度用餐🥂 (唔講得笑真係好擔心…好彩最後合格🥹)留意到點解佢咁多人其實係因為佢哋嘅酒類選擇都幾多，而且價錢都幾平，今次問咗侍應有冇啲咩推介，自己就比較鍾意啲fit啲嘅口味，就揀咗Bellini ($90)，飲落去幾容易入口，而且幾清新🌿朋友今日唔飲酒，嗌嘅Pineapple cooler ($70)都唔錯，菠蘿甜甜地幾解膩🍍Spinach fritters & ricotta($110) 呢款幾特別，佢係將菠菜切成蓉，然後包成一個餡餅咁拎去炸，炸完之後都幾香口，而且食落去特別鹹香，加埋ricotta嘅奶味好似稍微中和左餡餅嘅鹹～Scallops ($120) 帶子都煎得乾身，而且入邊唔會太乾，佢上下都包咗啲麵包糠，所以食落去特別脆身，而且加埋大量嘅蒜蓉真係勁香🤣主菜一定要試Angus meat and potatoes ($250)因為個牛肉真係好軟腍🥰 而且煎嘅生熟程度啱啱好，見到咁粉嫩已經心情好靚😚 食落去牛味香濃，而且件
13 瀏覽
0 讚好
0 留言
22 瀏覽
0 讚好
0 留言
留意到點解佢咁多人其實係因為佢哋嘅酒類選擇都幾多，而且價錢都幾平，今次問咗侍應有冇啲咩推介，自己就比較鍾意啲fit啲嘅口味，就揀咗Bellini ($90)，飲落去幾容易入口，而且幾清新🌿朋友今日唔飲酒，嗌嘅Pineapple cooler ($70)都唔錯，菠蘿甜甜地幾解膩🍍
17 瀏覽
0 讚好
0 留言
14 瀏覽
0 讚好
0 留言
Spinach fritters & ricotta($110) 呢款幾特別，佢係將菠菜切成蓉，然後包成一個餡餅咁拎去炸，炸完之後都幾香口，而且食落去特別鹹香，加埋ricotta嘅奶味好似稍微中和左餡餅嘅鹹～
18 瀏覽
0 讚好
0 留言
8 瀏覽
0 讚好
0 留言
主菜一定要試Angus meat and potatoes ($250)因為個牛肉真係好軟腍🥰 而且煎嘅生熟程度啱啱好，見到咁粉嫩已經心情好靚😚 食落去牛味香濃，而且件件都冇筋，呢個值得推介🤙🏻
19 瀏覽
0 讚好
0 留言
22 瀏覽
0 讚好
0 留言
21 瀏覽
0 讚好
0 留言
覺得呢度嘅食物淨係都唔錯，最後仲追加咗一份甜品，Ménage à trois ($90)其實係一塊大型嘅朱古力曲奇，然後上邊加咗大量嘅開心果碎同埋雲呢拿雪糕，曲奇上枱嘅時候係用鐵板上，加埋雪糕係冰火交融嘅感覺❄️ 曲奇本身比較甜，最鍾意就係佢熱辣辣而且係半熔嘅狀態，為今餐畫上完美嘅句號✨
總括嚟講，呢一間酒吧餐館嘅食物質素都唔錯，而且幾有特色，價錢亦都唔貴，自己覺得喺中環都頗有競爭力🫡 唔怪得知當日咁多人排隊喺度等位🤣 另外佢哋可以book位，所以其實如果唔想等嘅話其實都可以訂位～
張貼
