漢堡王 (已結業)

Burger King有時會特定既餐做優惠，例如送小食或者將個餐免費加大。最近食小華堡餐都可以免費加大，當然我會個小華堡加芝士啦。唔知點解好想食蘋果批，就試下啦。小華堡雖然個包係細個，但美味依然。牛肉烤過後係好食，肉質好鮮嫩，又唔似M記咁乾。而配料都唔錯，微溶既芝士真係好正。但都唔及洋蔥來得美味，果陣"生生"地既味令我一試難忘。薯條雖則只係普通既幼薯條，但條條都咁脆。蘋果批個皮太厚啦，而且個皮太粉啦。雖然係咁，但蘋果就唔錯啦，起碼比M記既來得酸。我覺得酸酸地既蘋果先好食，唔酸既蘋果就唔好叫蘋果批啦。實有下次既，因為食物唔錯之餘，又坐得舒服。