譚仔三哥米線 (杏花新城)

營業中

休息中

話說五一放假，夜晚岀開去見肚餓唔知食咩好就去左譚仔試新野。最近譚仔三哥不停岀新既小食又不停岀新既野飲，我個人黎講幾欣賞佢既創新。非常肚餓之下都係叫左佢既套餐，大家都知係咩餸都有，啱晒樣樣都想食又唔知點揀既人。料非常足、量亦都非常夠，每次食親都實夠飽。以往野飲一係凍檸茶、一係可樂，凍檸茶其實唔係特別好味，無乜真既茶味，係食辣野配凍檸茶比較解辣。今次就叫左個新既蘋果醋，一飲...係酸又係甜，就唔係酸甜，則係兩個味完全融合唔倒，又無乜蘋果味，仲要另加錢，以後唔會再飲。