Dap JP‧Wine‧Dine (已結業)

Item: Dap JP‧Wine‧Dine
Rating: 3
Author: fn_wkhab

3.5

84 食評

味道

環境

服務

衛生

抵食

218

灣仔

$101-200

多國菜 Fine Dining 酒吧

fn_wkhab

等級3

之前己經同朋友黎過呢度食好幾次，其中一次係我本人0既生日，亦都試過包佢地個房開生日PARTY，總體黎講食物唔算係好PERFECT，但係作為一個朋友傾偈0既地方，呢度都算係一個唔錯0既選擇。至於今次晚飯同一個公事上0既朋友食，佢今次專誠帶左枝紅酒黎諗住開黎飲，不過由於開瓶費要兩百，所以最後就放棄左。另外，由於最後進餐0既時候己經差唔多9點，擔心太晏食飯對身體唔好，所以是日我地兩個都係要左個2-COURSE DINNER，另外我個人亦點左3隻生蠔。特別一提0既係，呢個餐廳一直有OFFER大概6/7 種生蠔，雖然呢度絕對唔係一間正式0既蠔吧，但係佢地0既生蠔都算係好新鮮，質素都算係唔錯。我個人點左GILLARDEAU，PEARLE BLANCHE 同PEARLE NOIRE 各一，其中個人認為GILLARDEAU 最正 (雖然係咁多種最貴，但都係42蚊，都OK 啦) 蠔身帶有唔算太咸0既海水味，加上蠔本身0既鮮甜味，真係一試難忘。食過STARTER，接住黎0既係另一個APPETIZER，其中包括煙三文魚、SHRIMP SALSA 等等。其中，我個人認為個風乾火腿+蜜瓜比較合我口味。食完一個S

之前己經同朋友黎過呢度食好幾次，其中一次係我本人0既生日，亦都試過包佢地個房開生日PARTY，總體黎講食物唔算係好PERFECT，但係作為一個朋友傾偈0既地方，呢度都算係一個唔錯0既選擇。

至於今次晚飯同一個公事上0既朋友食，佢今次專誠帶左枝紅酒黎諗住開黎飲，不過由於開瓶費要兩百，所以最後就放棄左。

另外，由於最後進餐0既時候己經差唔多9點，擔心太晏食飯對身體唔好，所以是日我地兩個都係要左個2-COURSE DINNER，另外我個人亦點左3隻生蠔。

特別一提0既係，呢個餐廳一直有OFFER大概6/7 種生蠔，雖然呢度絕對唔係一間正式0既蠔吧，但係佢地0既生蠔都算係好新鮮，質素都算係唔錯。我個人點左GILLARDEAU，PEARLE BLANCHE 同PEARLE NOIRE 各一，其中個人認為GILLARDEAU 最正 (雖然係咁多種最貴，但都係42蚊，都OK 啦)

蠔身帶有唔算太咸0既海水味，加上蠔本身0既鮮甜味，真係一試難忘。

食過STARTER，接住黎0既係另一個APPETIZER，其中包括煙三文魚、SHRIMP SALSA 等等。其中，我個人認為個風乾火腿+蜜瓜比較合我口味。

食完一個STARTER，始終覺得好似未食野咁(是關我BOOK 左8點，但係等朋友等到9點...)，所以決定喺中途加左個蘑茄湯，所以當我朋友食個MAIN COURSE 0既時候我仲飲緊個湯。但係由於佢地又唔記得我加左呢個湯，所以佢地同時整晒兩份牛扒，其中我嗰份最後食嗰時仲凍晒...(但係我諗點解佢地冇同我保暖...)

ANYWAY，個人認為如果唔係特別餓，確實冇乜一個好特別0既理由要點個湯，另外如果唔係個牛扒遲左出黎，相信成件事會完全唔同，因為佢本身唔算好肥膩，肉質亦算豐富，如果趁熱食會係一個好0既MAIN COURSE。

呢度環境俾人一種比較舒服0既感覺，所以要慶祝紀念日同飲野傾偈都算係一個幾好0既地方，而且價錢亦都唔算好貴，所以過去一年一直都有介紹俾朋友。如果唔係今次個餐廳唔記得我加左個湯而早整個MAIN COURSE，相信呢餐晚飯會更加好。