東方宮蘭州牛肉拉麵 (已結業)

幾年前係西北旅行個時去過蘭州食當地嘅牛肉麵，覺得幾好食，之後就一直無機會再食，咁o岩行過銅鑼灣，見到開左間蘭州牛肉麵餐廳，門面係開放式玻璃窗，可以睇師父拉麵過程，幾吸引就入去食返個麵！睇牆上嘅單張見到話呢度嘅材料係選用青藏高原無污染嘅優質紅椒、蘿蔔同小麥粉。我叫左碟前菜同牛肉拉麵青椒土豆絲土豆絲係炒過，所以口感好爽脆，兼且唔油膩，用來做前菜好適合！牛肉拉麵湯底係清湯，唔會太濃太重口味，如果想辣d，檯面有辣醬，可以自己加。牛肉係牛𦟌部份薄切，好軟滑。麵條選左三細麵，有d似韓國拉麵，口感比較爽口彈牙 ！