Grill ขุนทอง (和安里)

營業中

休息中

今晚約咗朋友去蘭桂坊飲嘢，飲嘢之前梗要醫醫肚子先，沿蘭桂坊行上去，路旁見到有間串燒店，從個大玻璃窗可清楚睇到師傅正忙着做串燒，我又被吸引到走入去試試呢間嘅串燒先。 原來呢間不只有串燒，重有飯類、沙律和其他小食選擇。白鱔 $68/串呢串白鱔咬落去啖啖肉，而且外皮烤到金黃酥脆，裡面又夠嫩滑。豬頸肉 $25 /串燒烤後嘅豬頸肉，外皮烤到微微焦香，散髮出誘人嘅焦香味，裡面肉質重keep到鮮嫩多汁。雞中翼 $22 /串雞中翼烤到外皮好脆口，又保持到肉汁鮮嫩，配埋泰式海鮮醬，更增添咗點點泰式風味。菠蘿 $22 /串燒烤後嘅菠蘿微微焦黃，一口落去啲菠蘿汁標晒出嚟，夠晒香甜多汁。白豬肉腸 $26 /串白豬肉腸烤到外皮焦香，又能keep到肉腸嘅鮮嫩，口感重富有彈性。雞肉 $18 /串烤到剛剛好，又唔柴口，保持到外脆內嫩，令人垂涎三尺。泰式去骨海南雞飯$69 呢個海南雞飯確實有驚喜，啲雞肉夠晒滑溜，再配埋香濃嘅黃油飯，重加送一杯飲品，呢個價錢，絕對物超所值。