Unbothered (已結業)

中環蘭桂坊首間以「大麻二酚」（CBD）為主題的Café!一早聽鬼佬同事提過呢間Cafe、佢話喺鬼佬圈子好Hit、Cocktail唔錯！Cafe分兩層、地面嗰層係調酒的地方水吧位、仲有部好靚嘅透明咖啡機！聽講亞洲好罕有？我哋就揀咗坐上層、因為朋友想坐戶外抽煙！樓梯上面埲牆好多哈哈笑裝飾見到都開心啲 😹原來上層仲有一個live band area, 估計夜晚會有表演？今日同朋友行完街經過,不過晏晝就唔想太早飲酒、所以我哋叫咗宇治抹茶拿鐵同碟豆花拿鐵!宇治抹茶latte個拉花好靚、飲落抹茶味好香濃好順口、一啲都唔苦、只有抹茶嘅清香！我諗係比較高質素嘅抹茶先做到呢啲效果！配合埋牛奶嘅順滑真係好正！唔使加糖都好正 🤪朋友就叫咗凍嘅碟豆花拿鐵一上枱我哋就已經覺得好靚、漸變效果好靚！碟豆花本身冇乜味、所以成杯飲品奶味就顯得好重要、整體上呢杯飲品就好濃郁香醇嘅牛奶味！最重要碟豆花有美顏功能！哈哈小食叫咗香煎墨魚腸同魚蛋燒賣雙拼！香煎墨魚腸煎到香脆、咬落去脆卜卜！食落去有淡淡墨魚味、咬落仲好似有少少糯米？咬落去煙煙銀銀好盞鬼！朋友啱啱喺外國返嚟突然間好想食香港傳統嘅魚蛋燒賣！魚蛋咬落好彈牙、燒賣好煙韌！