京都一串 (已結業)

約咗朋友收工去蘭桂坊談心🥰，見未夠鐘就喺呢度附近搵地方食下野先稻庭湯烏冬～烏冬細細碗，呢個價錢來講略貴，勝在麵條超彈牙，湯底似鰹魚湯+昆布，入口甘甘地。櫻花蝦燒飯團🍙～店家推介呢個係佢哋嘅特色菜式，飯團外燒到滿是脆卜卜嘅飯焦，內有有櫻花蝦和臘腸片，估唔到會係一道fusion菜，臘腸嘅油香咇晒出嚟，令到成個飯團香噴噴，好特別。另外仲食咗燒鰻魚和燒露荀豚肉卷，鰻魚雖然唔係好大件，但勝在肥美，夠厚肉。薄薄嘅豚肉包住蘆筍，蘆筍粗身又香脆，食落又幾清新。