Cafe Siam (The Plaza ) (已結業)

蘭桂坊除左有好多酒吧之外，原來有一間泰菜館幾好食傢咼。Cafe Siam原來係米芝蓮推薦嘅食府之一，一定係質素嘅保證。餐牌上有好多款菜式選擇，當然平時食開嘅菠蘿炒飯、芒果糯米飯都一定有啦。飲品我地分別叫左strawberry sensation同埋fruit smoothies。兩杯個賣相雖然好似，但味道係不同。strawberry sensation士多啤梨味好重，好好味。而fruit smoothies就香蕉味多dd。叫左碟Pad Thai，呢度用蛋包住d金邊粉，食落多d層次。另外，金邊粉味道十足，好醒胃，食唔停口。招牌炒大蝦都好值得大家叫，因為炒出黎非常香，蝦肉炒完亦然好嫩滑，熟度剛剛好，非常好食。甜品點小得芒果糯米飯呀，椰汁配上糯米飯同紅米，係一個非常好嘅配搭。