Spark Bar & Restaurant (已結業)

好小可出城，朋友約左去飲野，想飲野前搵個地方食下野，靜靜地迎接今晚嘈嘈地時光。 去到呢間spark bar and restaurant , 一入到去見到有live band 位，好想聽下live. 入到黎感覺好似慢左落黎咁，好舒服好靜。飲品用唔同歌名作既好有特色。叫左杯 c all star 同大懶堂，配合今晚心情，飲落都係清新既，趕走下工作既忙碌感。 叫左個紅菜頭沙律伴菠菜葉，有希臘乳酪既配搭好新鮮，好愛乳酪既我都食清晒。另外叫左個chitarra,係餐廳自家制既手工麵，加埋蟹肉同龍蝦汁，麵質好有咬勁、彈牙，拌勻後再食，每條麵都好入味，真係好特別。 最後，主角肉眼來了，第一次成條牛骨骨髓食，好油但好juicy，我細細個成日啜豬骨，第一次食牛骨好正呀。 牛五成熟已好夠，外脆內嫰。 仲有兩大舊牛油係度增加香味。不得不提職員服務態度，每完一道菜會幫你換一次碟，怕影響左不同菜式的味道，對菜式的認真，同埋不慌不忙的態度，讓我都好享受呢一餐晚落黎既一餐。傾到坐到唔捨得走。