旺囍車仔麵 (已結業)

同朋友四人同行 糧草唔多夠 就係網上搵左呢度首先一入黎都光猛同清潔既 無乜特別問題第一個亮點係餐牌係循環再用 比一般既車仔麵更加環保車仔麵我最鐘意係肥公 又近我屋企又好食今次黎到呢度 最值得講既係佢既蘿蔔好入味 食落口好甜加上比較少E 唔會食到索索聲 煮得好淋 口感都好抵讚另一個值得提既地方係車仔麵真係唔係間間都有水吧好多都係剩係提供汽水之類咁我就叫左個凍奶茶 都好少試咁既配搭! (因為肥公無XD)佢奶茶既水準都唔差 同茶餐廳係接近既好多時茶餐廳以外既地方飲奶茶同檸車都麻麻地呢度車仔麵黎講都幾唔錯 其他野食就同一般車仔麵差不多 無乜特別感想