阿甘車仔麵

營業中

休息中

海濱花園雖然自成一閣, 但餐廳小店不少, 今次就試下車仔麵, 估唔到都有驚喜。同一般車仔麵一樣, 枱上有點餐紙同筆, 自己揀想食既餸、 麵、 小食同飲品, 三餸一麵$39, 再加餸每樣$8, 價錢都算抵食。 食物選擇都算多, 辣度仲可以去到魔鬼辣, 鍾意食辣既真係要試下, 事關男人試咗話好好味😂🔸秘制蝴蝶腩+韭菜餃+蘿蔔+油麵🔸(腩汁) ⭐⭐⭐⭐蘿蔔清甜無渣, 蝴蝶腩炆得好淋確實係幾好味, 韭菜餃都不錯, 夠多韭菜。🔸豬皮+豬紅+大腸+撈油麵(魔鬼辣)🔸⭐⭐⭐⭐男人話辣得過癮, 豬皮同大腸已經炆得好入味, 份量仲大大碟。🔸蠔油唐生菜🔸⭐⭐⭐⭐有時都好怕出面食唐生菜, 一係洗得唔乾淨, 一係質素麻麻地, 但呢度既唐生菜都好新鮮靚仔。🔸飲品🔸⭐⭐⭐⭐酸梅湯+豆漿都不錯總括黎講, 食物質素高, 價錢抵食, 份量夠飽, 味道幾好, 我一定會再黎食的。