榮記粉麵

營業中

休息中

環境:一般麵店格局。要搭枱。坐路口都唔會比人撞到背脊。枱面地下都夠乾淨乾爽。食物:豬紅蘿蔔雞奕尖油麵。豬紅夠軟又冇腥味，屬市面少有。蘿蔔夠甜。雞奕尖夠入味。每碗麵都有少少菜。菜剪到細細條，食指長度左右，一啖一 "住"菜，唔會有咬唔斷菜呢啲尷尬野發生。麵底偏細。我女仔食完覺得"係，我係食左野"，但冇飽既感覺。店係出名腩汁湯底，但我只覺得係死咸，冇香味冇層次。飲左一啖都已經要叫飲品解咸。蘿蔔本身甜都冇用，一浸落湯就咁甜味都蓋過晒。或者清湯會好啲？不過我就未必會再試。