鳥羽名古屋料理 (已結業)

Item: 鳥羽名古屋料理
Rating: 5
Author: yayx2

Toba Nagoya Cuisine

3.5

134 食評

味道

環境

服務

衛生

抵食

8317

銅鑼灣

$201-400

日本菜

yayx2

等級1

銅鑼灣有好多唔同既日本料理但真正成日回頭再去食既餐廳唔多鳥羽是其中一間想一去再去的一黎，地方就腳，唔太難搵二黎，呢度真係處處都係驚喜入到去，第一眼定會俾滿滿的清酒牆所吸引，有日本各地不同的杯裝清酒同一般日本料理唔同，唔需要每一次都要開一支杯裝清酒份量岩岩好，飲唔夠，開第二款而且價錢相宜$78因為星期5去，全場full晒大家去既時候，都建議打去訂位先!不過，居酒屋坐bar位都別有一番風味!坐落冇耐就送左碟前菜-牛舌點完菜後，當然要係清酒牆上簡番杯清酒飲下只要你點一點你想要既清酒，職員就會係牆上拎黎俾你我就簡左隻龜黎飲(靜岡縣出品，間酒廠既名真係叫龜)雜錦天婦羅D粉好薄，唔同平時食到既一半係粉!好食! 咁樣先可以食到食物既鮮味!另外，好少天婦羅蝦會將蝦頭炸埋!成隻蝦食晒先抵麻!抵贊!八丁味噌關東煮用名古屋特式的八丁味噌煮成, 有雞軟骨棒, 蘿白, 豆腐, 雞蛋及蒟蒻。我一向都鐘意食關東煮，但平時食既關東煮都係以清湯用底，而呢個特別用味噌煮成!我覺得平時既關東煮入面最好食就係個蘿白!因為蘿白會吸晒清湯既精華。而呢個味噌關東煮既蘿白一樣吸晒味噌既甜味!一流!另外，最令我驚喜既係雞軟骨棒，將雞軟

雜錦天婦羅
D粉好薄，唔同平時食到既一半係粉!好食! 咁樣先可以食到食物既鮮味!

另外，好少天婦羅蝦會將蝦頭炸埋!成隻蝦食晒先抵麻!抵贊!

八丁味噌關東煮
用名古屋特式的八丁味噌煮成, 有雞軟骨棒, 蘿白, 豆腐, 雞蛋及蒟蒻。
我一向都鐘意食關東煮，但平時食既關東煮都係以清湯用底，而呢個特別用味噌煮成!
我覺得平時既關東煮入面最好食就係個蘿白!因為蘿白會吸晒清湯既精華。而呢個味噌關東煮既蘿白一樣吸晒味噌既甜味!一流!
另外，最令我驚喜既係雞軟骨棒，將雞軟骨同雞肉MIX一齊!好好食啊!
係職員口中得知，原來最特別係個豆腐，可惜俾人地食左

燒牛舌
牛舌佢地切晒出面比較老既部分，餘係要最入面最嫩既部分!
燒得好好!好食

吉列佐賀豚肉串
吉列豬扒你就食得多啦!但呢個唔係普通既豬，而係日本佐賀出產既豬。
吉列既外層薄薄，我覺得無論天婦羅同吉列都好，我地唔係要食層粉!而係要食入面既食材!唔係俾一大層炸粉我食先得架!呢度無論天婦羅同吉列都好，炸粉都係薄薄一層!正!
而且，呢個豚肉串係肉與肉之間仲有大葱!(大葱:「你睇我唔到~你睇我唔到~食先食到!」

名古屋秘製手羽先唐揚
終於黎到主菜啦~
呢度既主打就係手羽先唐揚，手羽先=雞翼，唐揚=炸 !唔係燒雞翼啊!
佢有分大,中,小辣同甘口，一開口叫左5隻甘口。後來吹水之後發現中辣先係最好食!
中辣!?會唔會好辣架....?完全唔會!日本野...邊度會辣既....
甘口同中辣既分別就係味道既層次多d，更加惹味!

去度家居酒屋點可以冇啤酒啊!
雖然平時我唔係好好啤酒，但日本啤酒真係好好飲!又清又純!
而且，去到居酒屋飲啤酒，一定係事先將酒杯雪到凍一凍!
我地飲落去先又冰涼透心!啤酒送雞翼!正!