影片
更多
2015-09-08
843 瀏覽
幾個好朋友為我慶祝生日，特別一個月前預訂水月餐廳，我係非常期待呢一晚，聽講幾難訂位同埋好好食，今日食完終於了解明白真係處處驚喜，美味滿分！等待係值得嘅 食完之後，我明白什麼是食物藝術！明白點解人人都話食之前覺得貴，食完覺得好抵好平！人生黎食過飯真係感動！！食飯呢兩小時，係完全感受到廚師及店員都好用心去對待食物，同埋好細心對待客人喺香港真係非常難得！本來我地4個老朋友難得見面一定會吹水嘈到拆天，但今晚我地好靜好靜，因為大家都好專注自己份食物，真係要用心細膩品嚐 呢一種感動，或者就係回應廚師用心的一種尊重，係除左俾貼士之外，我地唯一能夠對廚師及店員表現的最高敬意呢度有一個好處，就係食set，每個人都係食同一個餐，唔駛左諗右諗食咩，坐低選擇自己個主菜就可以開始頭盤啦.......海膽龍酥撻&玉子：店員介紹係即日新鮮北海道海膽，仲係黃昏新鮮送到，唔怪得咁新鮮，我彷如置身日本築地市場食緊鮮海膽咁，海膽鮮甜，龍酥撻又香又脆！下面塊玉子都好香好味道，根本同喺日本食無分別另外好特別係一條條幼身綠色小草，店員話係法國蠔葉，入口真係好似食緊生蠔咁味道，全個組合真係殺死我呢d海鮮怪煙燻清酒高湯鮑魚：賣相已經
食完之後，我明白什麼是食物藝術！明白點解人人都話食之前覺得貴，食完覺得好抵好平！人生黎食過飯真係感動！！食飯呢兩小時，係完全感受到廚師及店員都好用心去對待食物，同埋好細心對待客人喺香港真係非常難得！
本來我地4個老朋友難得見面一定會吹水嘈到拆天，但今晚我地好靜好靜，因為大家都好專注自己份食物，真係要用心細膩品嚐 呢一種感動，或者就係回應廚師用心的一種尊重，係除左俾貼士之外，我地唯一能夠對廚師及店員表現的最高敬意
呢度有一個好處，就係食set，每個人都係食同一個餐，唔駛左諗右諗食咩，坐低選擇自己個主菜就可以
開始頭盤啦.......
海膽龍酥撻&玉子
30 瀏覽
0 讚好
0 留言
煙燻清酒高湯鮑魚
28 瀏覽
0 讚好
0 留言
香煎北海道鮮帶子配菠菜脆片
25 瀏覽
0 讚好
0 留言
店員介紹綠色一塊塊係廚師用分子料理方法將新鮮菠菜變成脆片，我諗我唔係大鄉里，香港真係無餐廳食到呢d心機菜！好香菠菜味好好食！裡面粒新鮮北海道帶子，真係好味到無朋友！又彈牙又香又鮮甜！媽媽平時買雪到變冰果d帶子真係行開幾條街！帶子下面仲有d穀粒＆薏米粒，好香好好味
鱈場蟹鉗蟹肉豆羹
70 瀏覽
3 讚好
0 留言
意大利西西里紅蝦意粉
43 瀏覽
0 讚好
0 留言
燒北海道黑毛豬肩配八珍山渣汁
65 瀏覽
2 讚好
0 留言
麻籽烤英國威爾斯羊架
26 瀏覽
0 讚好
0 留言
D.I.Y. 奶皇月餅
52 瀏覽
1 讚好
0 留言
講番個甜品先！店員介紹係廚師以份子料理方法將6種唔同嘅甜品出現，而呢6種甜品嘅形態就係造奶皇月餅嘅原材料形態。嘩！我真係嘆為觀止！！我井底之蛙以為真係俾兜材料我自己造月餅呀！！點解甜品都可以咁勁架！市面上閒閒地收我地一百幾十得一杯仔果d份子料理甜品真係黎食吓啦！
咸蛋黃其實係木瓜波波，白色似麵粉係乳酪份子料理雪糕，黃色扮吉士粉係朱古力粉，白色正方形扮白糖原來係棉花糖，黃色正方形偽裝牛油係芒果熱情果果凍，透明玻璃兜扮牛奶係椰子泡泡！
呢個甜品你想分開食或溝堆食都係咁好味，真係食到無得剩，好得！店員話係慶祝中秋節本月限定！
最後，我問自己呢餐有咩可以挑剔呢？我真係無。我真心推薦俾大家！
因為真係性價比極高嘅一餐！諗緊聽日第二餐生日飯自助餐可否取消再食水月，與其價錢差不多，我唔要多選擇嘅自助餐，我覺得食有水準有質量嘅食物先對得住自己個胃
從來懶寫食評，咁又寫左個半鐘！不過如此有質素嘅餐廳真係值得俾多d人識
食完飯最開心嘅一刻到啦！！！
多謝各位朋友，今日輪到我標會食飯唔駛俾錢啦，我地下星期再黎過到我請食飯。。。哈哈哈～張貼
