Cafe 1950歐陸餐廳 (已結業)

餐廳虛有其表，有心思既裝修，無誠意既侍應，無內涵既食物，最重要係唔衞生。晚上去叫左兩個餐，蒜香蝦意粉同西冷扒，係跟餐湯同餐飲既，只可以揀餐牌上既飲料，四樣熱飲，有三樣都無。餐湯應該係忌廉湯，唔肯定因為好稀。蒜香蝦意粉，蝦完全無調味，一啲味都無。西冷扒，七成熟，黎到係得個面熟，入面仲係生既，侍應好好既願意翻熱，牛扒既味道係可以既，但薯條居然炸到硬晒，最重要配菜入面係有烏蠅，同侍應講，佢有話唔好意思，但無入廚房叫廚師注意。失望。虛有其表，不值一試。