影片
更多
2020-07-08
58 瀏覽
有晚收工，朋友提議不如去食雞煲，約係虹橋等，我仲話虹橋邊度有嘢食架...去到附近見到間鋪，門面大大隻字寫任飲任食，仲會分段收費，星期一至四 $168 免加一。－－－－－－－－－－－－－－－－－－－－－－－－安排入座後，店員仲溫馨提醒我哋可以先落雞煲，之後再慢慢補寫返餸，費事浪費時間。黃紙主要係肉食，而粉紅紙係火鍋配料。雖然話早收工，但前面鋪面已經座無虛席，店員安排我哋去後面位置入座，我覺得比起前面鋪坐得舒服、無咁迫，至少唔近廚房無咁熱。自助式配料站飲品都係自助式，飲幾多拎幾多。可口可樂、忌廉、椰汁等熱門飲品都係任飲，我推薦比較健康既無糖碧螺春，清香芬芳。－－－－－－－－－－－－－－－－－－－－－－－－入返正題，店員好快將雞煲奉上，加熱過程已經感受到濃濃既香味。我同朋友兩個人食完煲內d雞都飽飽地，店員經過時仲笑笑口問洗唔洗加雞，唔知係咪笑緊我哋食量少呢跟住點咗美國雪花肥牛、西班牙黑毛豬，放落湯滾一陣就好快熟透。以前去過其他餐廳，肥牛上碟仲未溶雪，呢間唔會有呢個情況水魷魚幾爽口，水柏葉勝在吸到湯汁。重點推介係韭菜餃，皮薄餡多，索埋d麻辣汁好惹味。魚皮又脆又完整，忍唔住食唔停！食到咁上下，店
去到附近見到間鋪，門面大大隻字寫任飲任食，仲會分段收費，星期一至四 $168 免加一。
－－－－－－－－－－－－－－－－－－－－－－－－
安排入座後，店員仲溫馨提醒我哋可以先落雞煲，之後再慢慢補寫返餸，費事浪費時間。
黃紙主要係肉食，而粉紅紙係火鍋配料。
雖然話早收工，但前面鋪面已經座無虛席，店員安排我哋去後面位置入座，
我覺得比起前面鋪坐得舒服、無咁迫，至少唔近廚房無咁熱。
自助式配料站
飲品都係自助式，飲幾多拎幾多。
可口可樂、忌廉、椰汁等熱門飲品都係任飲，
我推薦比較健康既無糖碧螺春，清香芬芳。
－－－－－－－－－－－－－－－－－－－－－－－－
入返正題，店員好快將雞煲奉上，加熱過程已經感受到濃濃既香味。
我同朋友兩個人食完煲內d雞都飽飽地，店員經過時仲笑笑口問洗唔洗加雞，唔知係咪笑緊我哋食量少呢
跟住點咗美國雪花肥牛、西班牙黑毛豬，放落湯滾一陣就好快熟透。
以前去過其他餐廳，肥牛上碟仲未溶雪，呢間唔會有呢個情況
水魷魚幾爽口，水柏葉勝在吸到湯汁。
重點推介係韭菜餃，皮薄餡多，索埋d麻辣汁好惹味。
魚皮又脆又完整，忍唔住食唔停！
食到咁上下，店員會提示仲有15分鐘完，
最後補貨食d比較易處理既腸仔、豆卜等，
不過朋友已經飽到不行了，得返我自己一個食
以呢個價錢食到呢個質素，真係超乎預期，下次經過呢邊一定再食。
張貼
