影片
更多
2014-05-19
3994 瀏覽
潮人表弟來港工作已近三年，出名愛蒲，對年輕人o既新蒲點更可稱得上係無一不知。佢今年升咗職，加咗人工，所以特意約肥肥家族去佢認為今期為最潮o既西餐廳la vache「鋸扒」，順道為小肥表哥同姨媽慶祝生日；佢咁有心，我地一家四口真係好感動 。潮表弟所揀選o既la vache都幾隱蔽，大中小三肥用齊三部智能手機搵咗成五分鐘都搵唔到 ，結果要向警察叔叔問路先知原來卑利街橫越一條樓梯，而餐廳就喺樓梯底隔兩個舖位；即係話，如果坐的士，喺士丹頓街落車，大家應行落樓梯；如果喺荷李活道落車，則要行上少少斜坡；個人覺得後者路程較短及安全。當晚喺斜坡上行咗不少冤枉路，大肥爸爸及雙腳較弱o既媽咪入到扒房都已經攰哂 。La vache不設訂位服務，不過我地嗰日好好彩，八點鐘咁啱有張六人枱，仲要係全廳最正o既一角梳化櫈，雖然室內氣氛較嘈，但兩老總算坐得舒舒服服。潮點果然係潮點，幫襯o既全部都係年青人，全店最年長就係家父同家母 。店內燈光柔和，大肥就略嫌昏暗，座位舖排非常簡單，店舖中央為酒吧及十二個座位，食客可於酒吧區域淨飲或用膳，而其他散座則全部靠牆及圍繞住酒吧三面，其中靠牆座位全為紅色o既梳化櫈，最為舒
潮表弟所揀選o既la vache都幾隱蔽，大中小三肥用齊三部智能手機搵咗成五分鐘都搵唔到 ，結果要向警察叔叔問路先知原來卑利街橫越一條樓梯，而餐廳就喺樓梯底隔兩個舖位；即係話，如果坐的士，喺士丹頓街落車，大家應行落樓梯；如果喺荷李活道落車，則要行上少少斜坡；個人覺得後者路程較短及安全。
當晚喺斜坡上行咗不少冤枉路，大肥爸爸及雙腳較弱o既媽咪入到扒房都已經攰哂 。La vache不設訂位服務，不過我地嗰日好好彩，八點鐘咁啱有張六人枱，仲要係全廳最正o既一角梳化櫈，雖然室內氣氛較嘈，但兩老總算坐得舒舒服服。潮點果然係潮點，幫襯o既全部都係年青人，全店最年長就係家父同家母 。店內燈光柔和，大肥就略嫌昏暗，座位舖排非常簡單，店舖中央為酒吧及十二個座位，食客可於酒吧區域淨飲或用膳，而其他散座則全部靠牆及圍繞住酒吧三面，其中靠牆座位全為紅色o既梳化櫈，最為舒適。
服務生們同食客們年齡相約，全部都係後生仔女，大多以英語溝通；佢地雖然唔係特別友善，但態度又唔可以話好惡劣，客觀地講，只談得上為一般囉。衛生方面，媽咪希望細佬提出一點，就係洗手間為男女同廁，異味及地面濕滑程度令佢感覺不大衛生 ，建議餐廳會對此有所改善。
表弟約食飯時已經講咗比我地知la vache全店只提供一款套餐；餐廳將其內容印於餐墊上，不過只提供英文版及法文版。每位食客必需要order一客套餐，每份都包咗麵包、沙律、牛扒及薯條，落單流程十分簡單，因顧客只可以選擇牛扒o既生熟程度。
麵包：麵包外皮韌咗少少，不過包心總算係暖，OK啦。
沙律：小肥本身已經唔鍾意食菜，所以個套餐硬係要迫細佬食一大碟冇乜沙律醬而味道勁酸o既沙律，個心同個胃都唔係太爽 ！餐廳應該考慮比客人選擇要唔要沙律（唔要沙律當然係要平啲啦）、沙律o既大小、沙律醬o既份量及種類。
Entrecôte ''la vache''（$258）：正如落單所叫，牛扒屬medium rare，肉質尚算軟腍，但係我地五人都覺得牛肉偏涷 ，唔夠熱，故此未能取悅肥肥家族。
薯條：套餐中XO仔最欣賞啲薯條，又幼又熱又鬆軟，最重要係任食，食完可以再添，而且每次都咁新鮮，可以話係全晚之最 。
食物得一款，不過飲品就有得揀，包括汽水、雞尾酒、白酒、紅酒、烈酒等。設計成一本記事薄o既飲品餐牌由於用紙造，所以唔係好噤，容易污糟同爛，小弟冇潔癖，不過摸完都要用濕紙巾抹一抹手 。話明係慶生，表弟好爽快地開咗枝價值$348，餐廳取得專利o既紅酒BTL La Vache, B.V. 2011，等大家高興吓；唔飲紅酒o既小肥表哥就叫咗杯$98，同樣係紅色o既香檳雞尾酒作碰杯之用。
我地五個人，每人都叫咗一客甜品，充當生日餅咁話 。Tarte Tatin（$98）：由蘋果批演變出黎o既Tarte Tatin，面層o既蘋果蓉好清甜軟腍，小肥只係嫌個批底唔夠香脆。
Paris Brest（$98）：依味Paris Brest個泡芙皮同內層唔夠脆、唔夠鬆，忌廉夾心又唔夠香滑，質感較嚡同粗，整體非常飽滯，係五款甜品中最唔好食o既一款 。
Croque en Bouche（$78）：被焦糖漿鎖住o既三個球狀泡芙超級甜脆，個心好軟熟，係五款甜品中最美味o既一款 。
Eclairs（$78）：Eclairs只可以話係中規中矩，問題都係個忌廉夾心唔夠香滑，泡芙外層唔夠鬆脆。
Clafoutis（$78）：記憶中Clafoutis係熱食o既，餐廳所提供o 既Clafoutis唔凍唔熱，屬室溫，食落有少少怪怪，而且味道偏酸，個人絕不推介囉！
平心言論，晚餐時段$258 + 10%一份牛扒餐，除咗牛扒之外，仲有麵包、沙律、及無限量供應薯條，價錢其實好吸引，無奈la vache無論係服務、衛生、以及最重要o既食物質素（尤其係主角牛扒！）都唔係好理想，依個價錢就變得唔多值囉 ！
張貼
