富豪雪糕流動車

營業中

休息中

細個時家住屋邨，每日的下午四時左右，富豪雪糕車必定停泊在樓下馬路邊，叮叮噹噹地奏起「藍色多瑙河」，此時同邨的孩子們就一窩蜂地跑落街，爭分奪秒去買軟雪糕、蓮花杯或孖條等，而當中大部份還是同校的同學們，大家一邊食一邊打牙較，話題總是圍繞著做功課或背書的內容，偶然又講某某同學的是非，而我就例必食蓮花杯，事關齋聽個名都型過人，如是者大家停留大約半小時左右，眾人又随着雪糕車的離去而曲終人散，回家的節目又必定係開電視睇「石森章太郎」的「懵面超人大戰毒蠍幫」。我的小學歲月就是如此般渡過，上到中學雖然不再天天下午吃雪糕打牙較，但偶然和同學去街在油尖旺區也會久不久見到富豪雪糕車，少不免我們又會光顧一番，當然與昔日屋邨樓下的那種情懷是有所分別。雖然今時今日的便利店或麥X奴花幾元就有一杯一模一樣的軟雪糕，要論到經濟效益，當然唔會再幫襯貴好幾倍之餘又要企街食的富豪雪糕車，但是它帶給我們的情懷總是別家找不到的。