凱悅軒

營業中

休息中

凱悅軒又有個新menu，今次嘅主角係蝦，主廚黃師傅又有新靈感，除非你似我朋友一樣對蝦敏感，如果唔係，都應該好難唔鐘意。香辣汁拌桂蝦，桂蝦搭上清新爽脆的芥蘭和青瓜，清新微涼又開胃，唯一唔好嘅感覺，如果係夏天食應該更精彩。愛四川的味一定會喜歡藤椒三蔥爆虎蝦，暖暖的熱鍋中爆香肉蔥、京蔥和紫洋蔥後，主角虎蝦和藤椒一同翻炒，三種蔥的唔同特色，幾種味道都為呢隻虎蝦添上另一種感受。剁椒魚頭聽得多，雙式剁椒蒸大海蝦真係少見，大大隻的海蝦放係粉絲加上蟲草花和木耳絲，再用色彩繽紛的泡椒粒和黃椒粒，呢個絕對係換個主角後，就將剁椒蒸呢個菜式發揮得更精美的表表者。冬天最適合食臘味，原來蝦都同佢夾到，櫻花蝦醬臘味河蝦炒鴛鴦飯，飯底一半是白飯同糯米飯。飯同河蝦、臘腸粒、膶腸粒、冬菇粒、芥蘭粒等同炒，尾聲整多個櫻花蝦醬，口感有幾層的感覺。加個菜加個肉就係完美的一餐，呢個promotion到月底，如果你係蝦粉絲，記得去試下。