潮味苑

營業中

休息中

今日去深水埗黃金買野，買完野搵間餐廳食下，行行下見到間食打冷的餐廳，自己都好耐冇食打冷了。門口掛上好多隻鵝，墨魚，雞等鹵味。滷水拼盆（細）有鵝腸好爽脆，豬耳又爽，大腸又不油膩，豬頸肉又夠味又嫩，墨魚片又彈牙，雞賢又有咬口，仲有紅腸，滷水蛋，豆腐，花生和芽菜都滷到好香。粥仔蠔一碗都好大碗又有超多蠔仔又大隻又鮮甜，又有魚乾絲，又有肉碎真是用料十足。煎蠔餅有好多蠔仔，蠔仔又大大隻煎到好香口，唔使點汁已好好味。沙嗲牛肉芥蘭，沙嗲牛肉嫩滑又入味，芥蘭好爽脆。