影片
港鐵深水埗站 D2 出口, 步行約2分鐘
繼續閱讀
電話號碼
26022789
營業時間
今日營業
09:30 - 22:00
星期一至日
09:30 - 22:00
以上資料只供參考, 請與餐廳確認詳情
離開了香港一段時間～再回來之後發現好多以前有名的潮州打冷已經倒閉。點知，就係甘，比我搵到呢間隱世潮州打冷 😍絕對係潮州打冷天花板！今次叫咗炸蠔餅，滷水拼盤，豆醬通菜同埋蠔粥。樣樣都好好味！ 炸蠔餅夠香脆 😍豆醬配通菜原來甘夾！ 滷水拼盤咩都有，員工推介食有鵝片 (大size) 既拼盤，真係冇推介錯 ！全部都好入味，搞到食唔停口 😆而蠔粥係我最推介既一樣！好足料 好香 😍😍😍 最後，要特別讚下呢度員工，佢地好有活力，又有禮貌，又唔會為了賺你錢，呃你叫大堆野食搞到食唔晒 👍🏻👍🏻👍🏻如果你同我一樣想食打冷的話，千祈唔好錯過 🤭
繼續閱讀
午餐唔知食乜好，經過見櫥窗啲滷水鵝色澤唔錯，入去食個飯，就叫咗一碟滷水鵝飯$60，有送一碗蘿蔔湯，入正題，啲滷水唔掂，令我差啲忘記自己叫咗個滷水鵝飯，芽菜花生豆腐墊底，呢啲嘢冇得話好食唔好食，純粹墊高啲餸，啲鵝只有冰鮮味，入口全是油膩感和乾肉感，食咗第一啖已經知道中伏，本着唔浪費食物嘅宗旨，勉強咬幾啖吐返出來，我見到店內牆身貼滿明星合照，估計老闆停留在上一個世代的思維，已經將食物的質素和顧客感受都忘記了，本人全部自費真實食評，冇下次。
繼續閱讀
非常多款式，樣樣都想試，食完大拼盤已經飽到不得了，真的沙爹牛肉芥蘭菜超值，唔叫就走寶。鹽焗烏頭有點鹹, 所以不需要點醬料都可以空口食。炸蠔餅的蠔仔超大粒，食完真係好飽，份量好足夠。
繼續閱讀
喺深水埗返工呢間餐廳基本上係一定要試！我每次都叫牛三寶河，份量好夠，牛腩同牛筋都整到好淋。 呢間餐廳lunch唔貴50蚊樓下有找，唯一唔好嘅地方就係有啲逼，不過呢啲傳統潮州餐廳越嚟越少，所以都支持下希望佢哋可以做落去
繼續閱讀
朋友叫過幾次都撞吾啱時間，上周六晚終於去試吓哩間潮州菜，比想像中更好、更地道，大家不妨試試之前見過食評話員工服務態度一般，真心要替他們平反，每位哥哥、姐姐、妹妹都好好、有禮貌，幫你清枱、多次添滾水都冇黑面 😬😅今晚只得兩人首先叫咗滷水掌翼食材非常好、好大隻，我個人認為味道可以再濃啲(但我朋友話 ok） 🤭2. 潮州紅燒翅 $398/2人份量煲仔上，都好大煲下 $400蚊都吾駛當然只可以用散翅再加魚唇絲，但味道、濃度絕對可以，我個人係 👌🏽 收貨嘅! 3. 「馬友」魚飯 - 係門口廚櫃見到已覺好新鮮吸引，完全擊敗隔離啲烏頭魚 🤣 超好味、肉嫩乾濕度適中 $138 一啲都唔貴比想像中平咗少少 🤫4. 煎𧐢餅 - 本身係潮州人兒時媽媽經常會整比我哋食 😍 但依家係出面真係好難食到好好味嘅𧐢餅🥹 首先，都係炸吾係半煎炸 ; 第二，吾知點解吾用薯粉？係咪睇落顏色冇咁靚、兼吾啱炸呢？第三，冇鴨蛋香味 ？ 聽聞🦆疍貴改用🐔疍哩道都係炸，但睇得出有用心去做及不油膩，𧐢仔份量 ok 當然如果多少少會更好 😬本來想叫埋糖醋麵 (兩面黃）但個肚吾掙氣，二選一之下叫咗 「福果芋泥」 👍🏽👍🏽👍🏽 出奇地比想像中出色 、不太油、不太甜、沒有溝粉、好好味😋起初見佢用外賣膠盒上都覺得窄窄哋 🤣🤣🤣份量非常足如果吾係甜品或芋泥愛好者可能要3-4人吃或食吾晒打包 (可能店長都係咁唸所以直接用外賣盒上 🤭）佢菜式不算太多，但絕對可以再去多幾次 🤓 要提－提店鋪地方吾大適合2-6人去好了，可以訂位但冇－半以上應該吾會比位比你。
繼續閱讀