影片
更多
2018-05-01
5152 瀏覽
平時成日覺得蘭桂坊冇乜嘢好食，今日經過蘭桂坊已經變得面目全非，發現有蘭桂坊車仔麵，而且歷史悠久嘅哈根大師都執咗，真係變得好快。呢度原來有間生蠔店都一直唔知！我哋去到一座大廈上面6樓，佢標誌着＄10一隻生蠔，聽落去都覺得好抵！一入到去，氣都未抖順，店裏面嘅職員就好熱情咁招待我哋，係咁問我地想食乜嘢，同埋係咁推介今日有啲乜嘢好食，佢就好關注咁問我地，究竟想食啲乜嘢口感嘅蠔，就分別介紹咗好多唔同國家嘅號有啲海水味比較重，有啲比較脆身，有啲就每樣平均。另外仲推介左今日嘅主打，就係價值＄188嘅龍蝦汁海膽意大利飯，呢個特別主菜唔係真係成日周圍有得食到。蠔好快就到左，首先嚟咗兩隻welcoming Oyster，都係價值＄10嘅愛爾蘭蠔，之後仲叫咗半打＄60蠔，佢仲免費幫我地升級一隻做法國蠔，試吓不同口味都唔錯。發現法國蠔肉質比較實，而且蠔身比較厚，但愛爾蘭蠔一啲都唔輸蝕，雖然細細地，但係好合我胃口，女仔就咁食呢一款蠔再加少少白酒，相信已經夠晒。佢個意大利飯又做得幾出色，飯粒分明，有少少硬身，增加口感，配上豐富嘅龍蝦汁同埋香噴噴嘅海膽簡直係天衣無縫嘅絕配，雖然海膽唔係我想像中鮮甜，但滑滑的口感真的
平時成日覺得蘭桂坊冇乜嘢好食，今日經過蘭桂坊已經變得面目全非，發現有蘭桂坊車仔麵，而且歷史悠久嘅哈根大師都執咗，真係變得好快。呢度原來有間生蠔店都一直唔知！我哋去到一座大廈上面6樓，佢標誌着＄10一隻生蠔，聽落去都覺得好抵！
一入到去，氣都未抖順，店裏面嘅職員就好熱情咁招待我哋，係咁問我地想食乜嘢，同埋係咁推介今日有啲乜嘢好食，佢就好關注咁問我地，究竟想食啲乜嘢口感嘅蠔，就分別介紹咗好多唔同國家嘅號有啲海水味比較重，有啲比較脆身，有啲就每樣平均。另外仲推介左今日嘅主打，就係價值＄188嘅龍蝦汁海膽意大利飯，呢個特別主菜唔係真係成日周圍有得食到。
蠔好快就到左，首先嚟咗兩隻welcoming Oyster，都係價值＄10嘅愛爾蘭蠔，之後仲叫咗半打＄60蠔，佢仲免費幫我地升級一隻做法國蠔，試吓不同口味都唔錯。發現法國蠔肉質比較實，而且蠔身比較厚，但愛爾蘭蠔一啲都唔輸蝕，雖然細細地，但係好合我胃口，女仔就咁食呢一款蠔再加少少白酒，相信已經夠晒。
佢個意大利飯又做得幾出色，飯粒分明，有少少硬身，增加口感，配上豐富嘅龍蝦汁同埋香噴噴嘅海膽簡直係天衣無縫嘅絕配，雖然海膽唔係我想像中鮮甜，但滑滑的口感真的挺滋味。
炸魷魚圈係我嘅至愛，平時去茶樓一定會點，呢度用西式煮法加上他他醬，酸酸甜甜，配上香口的魷魚圈，更出色。
隨後叫咗個水牛蕃茄芝士Pizza，做得非常出色，佢哋互相之間嘅口味唔會搶咗對方，而且薄薄的，隨時食多幾塊都唔覺，佢嘅皮底做得非常脆口，焗得剛剛好。
由於心癢癢嘅關係最後都叫多咗三隻$10生蠔，全部比我1分鐘之內食晒，真係好易入口，加上檸檬同埋海鮮醬，更為美味呢！
最後叫多咗個三色雪糕球，有我最喜歡食嘅雲呢拿同埋薄荷朱古力，三球加起上嚟，唔太甜，真係為呢一餐晚餐，畫上完美嘅句號，每人都係三百幾蚊，有海鮮食真係非常唔錯！
張貼
