星海．譽宴 (The ONE)

營業中

休息中

尖沙咀都有幾多酒樓選擇，有一日去咗尖沙咀 the One 飲茶。酒樓夠晒大又靚，而且仲有舞台好適合婚宴。一坐低，點心紙嘅點心款式都有好多，我哋叫咗蠔皇原隻十頭鮑魚酥，真係值得一試。撻皮酥脆、又夠大件，鮑魚煮得啱啱好，好好味。接住嚟，我哋試咗南乳粗齋煲，呢道菜用咗多種蔬菜同豆腐，全部材料都滲透咗南乳嘅獨特香味。有套餐係燒腩仔+炒麵，燒腩仔皮脆肉嫩，脂肪分布均勻，咬落去既有口感又唔會太油膩。炒麵煮得剛好，好大碟，唔會過火。黑魚子蟹肉鳳眼餃係三件一份。呢個點心真係別具一格，外形精緻，內餡豐富。蟹肉鮮甜，配埋黑魚子嘅獨特風味，好夾。