景記咖啡 (已結業)

18-11-2009食完蛇羹成身暖晒, 但當然未夠飽, 近近哋到上環街市搵個茶檔食份三文治, 嚟到最近門口的呢檔. 簡單叫了熱奶茶 ($10), 加份蛋牛治 ($10).熱奶茶色水幾「茶」, 飲落唔算滑溜, 奶味 vs 茶味比例約 3:7, 係幾香茶味, 幾喜歡. 蛋牛治 (又唔記得叫烘底喇, 唉... ) 純為填肚, 又估唔到幾好食 -- 蛋炒得好滑, 鹹牛亦當然滑, 食落鹹得來香, 而鹹牛 vs 蛋比例係 50:50, 滿足. 熟食中心阿叔阿姐們快手快腳又幾友善, 不過環境就當然唔好 expect 太多, 呢度無九龍城 / 跑馬地咁乾淨的.放低 $20, 可以一試, 有機會再食公仔麵吧.