蛇王二 (已結業)

平時冬天都會去「蛇王二」進補　食出名的皇牌菊花會五蛇羹，今晚一個人食晚飯搞搞新意試下燉湯及燒味飯。 這裡環境狹窄，枱細細，又要撘枱，食完要走人；最適合趕時間及一個人開餐。 燒味飯套餐$58+$2雙併叉燒鵝飯叉燒鵝舖滿成個碗，飯都見唔到，真係幾吸引！叉燒不是半肥瘦，瘦左D，有D乾及韌。但蜜味唔錆，燒到有少少燶，好香口惹味。燒鵝皮薄肉厚，少脂肪；鵝肉味香，肉質結實肉嫩，啖啖肉，正！燉湯有多款選擇，散叫價錢由＄２６ 起沙參玉竹燉生魚蛇王二湯水足料，味道幾濃，飲完唔覺有味精； 渣多湯少，對唔食湯渣的我，有D浪費，寧願有多D湯。沒有湯水的我，每星期都是靠鴻福堂的湯維生；鴻福堂＄４８～５３（但有湯卷＄３４）可分到２碗而且零味精，可惜飯款只有3款蒸飯而且味道一般。蛇王二及鴻福堂各有優點及缺點，但兩者湯水都是我的充電之選。