蛇王善 (已結業)

可能受媽咪影響，我由細到大都好鍾意食蛇羹，港九18區周圍食。其實冬天食蛇進補真係好有效，食左成個人暖晒，熱血沸騰，食完覺得身體健康左。不過傷風感冒時就唔好食嘞。我一得閒就搵蛇食架嘞，好多經驗深水埗蛇王善係其中一間我最鍾意嘅。點解?蛇羹好多肉，味道好，食完全身暖笠笠。佢哋湯嘅種類好多，有唔同種類嘅蛇同蛤蚧， 各有不同功效。我早排咳到尾聲，老闆娘介紹我飲蛤蚧湯 (其實我第一次飲)。湯黎到我將湯料攞出黎，果然真材實料，有原隻蛤蚧 不過我唔敢望、唔敢食，淨飲湯。佢地嘅糯米飯都好香、好好食。