影片
更多
2022-08-13
94 瀏覽
我同兩個仔女絕對係愛蛋人士，所以放暑假第一日就帶咗仔女去食 たまご園 Tamago-EN。因為我哋早去，所以好好彩咁坐到蛋蛋屋，仔女都超級開心！有美食當前，仔女都會超合作影相！幾時都係相機食先。怕佢哋兩個唔夠飽，叫咗個單點「吉列豚三文治配薯條」，個三文治有3吋厚，多輕係軟烘烤多士。頂層有流心蛋，中間係吉列厚豚，底層夾咗爽脆嘅沙律菜，一啖咬落去好正！蛋汁配埋大阪燒汁，超級 juicy！主食就梗係要食飯啦！仲要食蛋液旋風形嘅蛋包飯「燉牛肉蛋包飯」，淨係個外表都已經加分，蛋包飯嘅外形係用蛋液以旋風形包蓋炊飯，炊飯以多種食材烹煮，代替茄汁炒飯，再配上秘製醬汁，真係會食唔停口。飲品1：「芒果鮮奶特飲」好特別，加入沖繩生雞蛋蛋黃調製，啖啖芒果肉，細佬話好好飲！飲品2：「伯爵奶茶配雪糕」絕對係夏日必飲，飲品仲有漸層效果，打卡就最啱！甜品1：伯爵茶梳乎厘班戟配青葡萄，梳乎厘班戟用足三隻雞蛋製作，濃濃蛋香又鬆軟！呢一款配以青甜青葡萄及每日新鮮調製伯爵茶醬，茶味好突出，唔鍾意食太甜絕對要揀呢款！甜品2：鮮芒果熱情果班戟，而呢一款配以夏季盛果，芒果及熱情果汁，真係超級 match，鍾意食芒果一定要試。而家佢
因為我哋早去，所以好好彩咁坐到蛋蛋屋，仔女都超級開心！
有美食當前，仔女都會超合作影相！幾時都係相機食先。
怕佢哋兩個唔夠飽，叫咗個單點「吉列豚三文治配薯條」，個三文治有3吋厚，多輕係軟烘烤多士。頂層有流心蛋，中間係吉列厚豚，底層夾咗爽脆嘅沙律菜，一啖咬落去好正！蛋汁配埋大阪燒汁，超級 juicy！
主食就梗係要食飯啦！仲要食蛋液旋風形嘅蛋包飯「燉牛肉蛋包飯」，淨係個外表都已經加分，蛋包飯嘅外形係用蛋液以旋風形包蓋炊飯，炊飯以多種食材烹煮，代替茄汁炒飯，再配上秘製醬汁，真係會食唔停口。
飲品1：「芒果鮮奶特飲」好特別，加入沖繩生雞蛋蛋黃調製，啖啖芒果肉，細佬話好好飲！
飲品2：「伯爵奶茶配雪糕」絕對係夏日必飲，飲品仲有漸層效果，打卡就最啱！
甜品1：伯爵茶梳乎厘班戟配青葡萄，梳乎厘班戟用足三隻雞蛋製作，濃濃蛋香又鬆軟！呢一款配以青甜青葡萄及每日新鮮調製伯爵茶醬，茶味好突出，唔鍾意食太甜絕對要揀呢款！
甜品2：鮮芒果熱情果班戟，而呢一款配以夏季盛果，芒果及熱情果汁，真係超級 match，鍾意食芒果一定要試。
而家佢哋做緊特別活動，只要叫指定單品，仲會送環保種子舉，一套2支，送完即止！
總結：無論單點、主食、飲品 定 甜品，都真係好好食！而且我哋一家係超鍾意食蛋，所以超級享受！下次一定要帶埋爸爸嚟食。
張貼
