盛八食堂 (已結業)

位置唔算難搵，位於Fashion Walk既Aeon 超級市場內。約左fd 夜晚8點黎，本以爲應該要等位架啦，點知黎到仲有2人位，非常之好。就出面望入去環境都唔算差，鉄凳木擡有另一番風格。烤大磨菇蛋包飯D汁好足夠，味道不錯，不會太濃， 磨菇又真係幾大粒，不過份量只係夠1人份。盛八3.6牛乳滑蛋押箱三文治 $38好好味！ 最中意食尼個三明治，個麵包有烤過，所以外脆内軟。非常之厚實，十足的奶味，而且蛋味都很香，又滑！一口咬落去吾會話汁多到流曬出黎，而且蛋真係好多好軟滑。我提議可以試下尼個三明治。價錢合理又好抵食。