風之谷蛋包飯

營業中

休息中

「風之谷」呢個名大家一定即刻諗到日本一套動漫。除此之外，「風之谷」亦都係一間蛋包飯外賣專門店，我估可能店主對呢套動漫特別喜愛，因而命名。呢間外賣店位於元朗西菁街，小店旁更設有立食位置供客人使用，十分細心。小店除主打蛋包飯，亦有炒飯系列、意粉系列、飯飯掂（白飯底）系列及啤啤佢小食系列；全新系列更有烏冬、漢堡及素食，選擇可算十分多。《咖喱吉列豬扒蛋包飯》（$68）濃味之選：採用炒飯底，咖喱汁充滿日本風味，味道不錯，所以記得一定要多汁就至正；吉列豬扒認真超夠厚夠脆，超值抵食。《風之谷炒飯配觧茄煎盧魚》（$73）豐富之選：炒飯底十分講究，配料多有蝦肉粒、帶子粒、炒蛋、粟米粒及洋蔥粒，飯面再鋪上櫻花蝦，認真有誠意之作，炒飯好好味道；再配上鮮茄煎盧魚，蕃茄及盧魚亦足料，味道相對咖喱而言，當然會明顯較清新及淡口味，有家常便餸的味道。《黑松露雜菌扁意粉》（$58）清新之選：扁意粉及雜菌份量十分夠足，呢個真心夠曬經濟抵食。注意外賣店營業時間為12:00～22:00 及只收現金。