幸福班戟 (已結業)

之前門口永遠排晒長龍，而家基本上都唔係好洗等就有位。因為係即叫即整，所以要預返等餐時間會耐少少。🥞🧈幸福班戟($112)班戟好鬆軟，咬落去軟綿綿，蛋味都好突出，一路食一路聞到蛋香味。牛油好軟滑，楓糖漿甜到啱啱好，食完真係有少少幸福嘅感覺。🤤🍫🍌朱古力香蕉班戟($128)同樣都係有三舊班戟，但加埋香蕉，飽肚感會大啲。朱古力醬會甜過楓糖漿，如果鍾意食甜少少，呢款都係一個唔錯嘅選擇。雖然份量唔算細，但價錢都係少少偏貴。