古味坊 (已結業)

行開去千色店附近，見到間古法蛋糕店。原來小店於5月開張，每日新鮮出爐共六款古法蛋糕。分別有黑糖味、抹茶味、流心咸蛋芝士蛋糕、原味、黑白配蛋糕 姐係原味配黑糖、雙色配蛋糕 就係原味配抹茶除咗有原個蛋糕可分成6小件外，仲有獨立包裝既個裝蛋糕，行過買黎做早餐/小食都好唔錯，方便又實惠 $8-$15 1件，仲雪凍左，炎炎夏日食番件甜品，正呀！黎到店咁岩想食既流心咸蛋芝士蛋糕已經賣哂。親切既店員叫我可以食個飯番黎一個半鐘左右就有新鮮出爐既蛋糕，當然唔差在等多陣。原味蛋糕，蛋味香濃，食落唔會太甜，口感軟滑又綿密。仲可以要求店員預先切件，切起黎整齊又唔鬆散。雙色配蛋糕，當然有原味既蛋香味，仲有淡淡抹茶味，中和左原味既甜味，食落更清新，抹茶味又唔苦澀。流心咸蛋芝士蛋糕，剛出爐既流心效果真係好吸引，有咸蛋既鹹香味，仲有濃郁芝士味，調配嘅比例剛好，溫熱嘅蛋糕口感更加軟綿，咬落流心既效果令整體食落更有豐富咁，層次分明，帶有鹹味嘅蛋糕仲冇膩。店員提醒蛋糕可以存放三日，都可以放喺雪櫃保存。