媽咪雞蛋仔 (已搬遷) 新店位置

媽咪雞蛋仔近年勁出名，好似去親邊度都總會見到一間咁。今次第1次食，雖然有啲貴，但咁多人買就諗住試下。等左大概10分鐘就有，都唔算太耐，因為新鮮整出黎嘅，都值得。雞蛋仔感覺比平時食果啲細粒。 拎上手比較身。口感真係好脆喎，幾正。脆嘅部分大約去到雞蛋仔嘅一半，再入面果部分就軟綿綿嘅。 蛋香好濃，我中意！味道方面我認為甜左少少，但總括黎講係好食，難怪咁出名呀。