Eggslut

營業中

休息中

美國過江龍eggslut主打雞蛋三文治，香港分店位於銅鑼灣鬧市中心，兩層黑色、黃色為主的輕工業風設計好搶眼🤩餐牌上除左以雞蛋做主角既三文治以外，仲有肉類漢堡、小食同埋期間限定餐點 ，line up非常豐富！🔸煙肉蛋芝士三文治配料豐富既三文治，一食即刻明白點解咁多人讚：自家製奶油麵包真係好·好·味🥳 暖暖brioche充滿牛油香，軟綿綿口感同任何配料都好夾🤤 配料另外有半熟煎散養雞蛋、惹味蘋果木燻煙肉，辣椒蕃茄醬及車打芝士，咬落去半熟蛋黃流心香滑，味道配搭好和諧！🔸雙重炸比目魚三文治厚厚炸比目魚柳配上蛋白三文魚醬，兩種魚都充滿鮮味，係一個好新鮮既配搭🐟加埋芝士、醃青瓜及自家製奶油麵包，味道層次比一般魚柳漢堡更豐富🥰🔸松露迷你薯餅迷你薯餅用鴨油炸至金黃香脆，再以松露及迷迭香鹽調味，作為三文治伴菜無得輸🔥🔸鮮榨橙汁, 柚子梳打唔想飲汽水都有其他飲品選擇，好似鮮榨橙汁同埋期間限定柚子梳打，果香有助減低膩感！