北海道牧場餐廳 (已結業)

因為日日要去瑪嘉烈做電療嘅關係，所以日日都會經過美孚。睇住呢間嘢開。幫襯過兩次，上次食有奶醬多嘅港式早餐，今次食牛角包還記得灣仔老尖店若干年前初開店時係威係勢，啲人排唒隊去食，好似前世未食過蛋同多士咁。店鋪主打係個北海道牛奶炒蛋，但蛋無蛋味，還算食得落係因為火腿同半溶芝士呢個不敗組合。 講返第一次個港式早餐，無咗牛角包同芝士嘅加持，真係等同淡如水一般的愛情，盈暉臺間大快活炒蛋都好過佢十萬倍，真係多謝唒聽日見。另外不論冷熱飲品就算堂食都係用即棄杯，其實橫豎隻碟同餐具都要洗，洗多隻杯有幾難?！做生意賺錢之餘有返少少企業良心好無，多愛惜地球一點點可以嗎？