阿里山 (逸酒店) (已結業)

去開紅磡，見到呢間阿里山台灣古早味蛋糕，上網搵一搵，發現原來好多街坊推介，超過十多款口味揀，最後買左幾款返屋企慢慢歎。日本柚子蜂蜜蛋糕面層好多柚子皮，口感豐富，蛋糕充滿濃濃蛋香味，軟熟濕潤，加入蜂蜜，甜度適中，啖啖清香唔會膩。四重芝士蛋糕加入四款芝士，包括巴馬臣芝士、車打芝士、水牛芝士等等，四重濃郁芝士味，蛋糕滑溜細膩，夾雜奶香、鹹香味，口感柔軟富彈性。芝士肉鬆蛋糕咸甜可口又鬆軟，食落豐盈香滑，肉鬆蓬鬆惹味，份量十足，夠哂足料，食落有絲絲蛋香味，口感濕潤唔會乾。室溫可存放一日，食唔哂建議放雪櫃，冷藏可放存三天，食落質感依然鬆軟濕潤，值得推薦。